مجلس قيادة الثورة بريف دمشق - ببيلا- تفجير منزل (بيت عربي)

Description

\: الحدث:تفجير بيت عربي (ذو طابقين) قريب من وحدة المياه، البيت العربي هو
الذي انفجر والتفجير على الأغلب بعبوة ناسفة حسب أحد شهود العيان الموثوقين
الساكنين ضمن المنطقة لانه يوجد مادة الأسيد بشكل كبير وكان في علبة سوداء
رائحتها غريبة بعد الانفجار. البيت العربي مهدوم أكثر من نصفه ونازل يبدو أن
العبوة لم تكن بنص البيت (شي بديهي طبعاً)، هلأ ما بعرف إذا العبوة كانت جوا
ولا برا البيت. البناية يلي جنب البيت متضررة الواجهة تبعها، والبناية
المقابلة له (في شارع ليس عريضا بينهم) متضررة بشكل كبير

الخسائر المادية كبيرة والزجاج والدمار متبعثر.
الخسائر البشرية: في امرأة عجوز من سكان البيت أكيد مستشهدة (بإذن الله) لأن
شاهد عيان اخبرني" أنا شلتها بإيدي ولفيتها بشرشف قبل ما يجي الأمن"، وأيضا في
امرأة مستشهدة ومقسومة نصفين (حسبنا الله ونعم الوكيل وبنتها الصغيرة مستشهدة
معها "

طبعاً الأمنمتواجد بكثافة ما قدرت عدهم كلهم لأن" أكثر من الهم عالقلب"، في
باصين على الأقل ومدري كم سيارة، حتى كان في تويوتا عليها BKC بس مغطيينو هي
كانت واقفة جنب المكان، وطبعاً مغطيين الـ BKC يمكن مشان ما يطلع بالتصوير
لأنو في كاميرتين عم يصوروا الموقع وآخذين راحتهم بينما الناس ممنوع يقربوا،
وطبعاً سيارات الإسعاف والإطفاء كتار والدفاع المدني كمان كتيرة.

ونحنا واقفين سمعنا صوت رصاص من بعيد قام إجا واحد من الأمن صار يقول وقال أنو
يالله روحوا ما سمعتو صوت القواص ولا بدكم ياهم يجوا يقوصوكم كلكم!!!

رواية النظام إنو مسلحين عم يعملو عبوات ناسفة بالقبو وفجرت فيهن وبالأساس
البيت مافيه قبو
وهلأ عم يهدو باقي البيت العربي
وفي عدد كبير من المصابين ومشوهين جداً
==============================
ريف دمشق::حي السيدي مقداد ببيلا:: الصور الأولية لتفجير السيدي مقداد
9-4-2012
http://youtu.be/cmn9tkCZQkI
===================================
ريف دمشق::حي السيدي مقداد-ببيلا::المظاهرة التي خرجت بعد التفجير بدقائق من
أهالي الحي
http://youtu.be/7v_8ithtfVk
==============================================

--
*مع تحيات / **مجلس قيادة الثورة في ريف
دمشق*< https://www.facebook.com/News.Ref.Dimashq&gt ;

*الفريق الإعلامي *